GAUTENA (autismoa eta garapenaren beste nahaste orokor batzuk dituztenen gurasoen elkartea) irabazi-asmorik gabeko gizarte-ekimeneko erakundea da. Horren helburua da autismoaren espektroko nahasteak dituzten pertsonen eta laguntza-behar baliokideak dituzten beste pertsona batzuen bizi-kalitatea hobetzea, baita haien familiena ere, Gipuzkoan. Horretarako, komunitate-zerbitzu eta inguruneetan eragina izatea lortu nahi da, pertsona ezinduentzat eskuragarriagoak izan daitezen, eta, azken batean, gizarte gero eta integratzaileagoa eraikitzen laguntzeko. Aldi berean, zerbitzu orokorrak espektro autistaren nahasteak eta beste laguntza-premia baliokide batzuk dituzten pertsonen beharretara egokitzen ez diren heinean, zerbitzu espezializatuak garatzen eta ematen ditu, erantzun integral eta pertsonalizatuan, eta, ahal dela, Administrazio Publikoarekin itunak eginez, gizarte-zerbitzuen, hezkuntzaren eta osasunaren arloetan.