2026. urteko Trebakuntza

Arrakala digitala murrizten

Gipuzkoako hirugarren sektore ekosozialeko erakundeei laguntzen diegu beren gaitasun digitalak hobetzen eta erronka teknologiko berrietara egokitzen. Kontsultatu gure prestakuntza-aukerak, elkarrekin erakundeen eraldaketa digitalerako jauzia eman dezagun.

Aurrez aurreko ikastaroak

    • *.-Hiru ikastaro egingo ditugu:
      • +.-Lehenengo biak "Eginez ikasi: IA sortzailea eta irudien sorkuntza Geminirekin"
      • +.-eta hirugarrena "IA egunerokorako: garrantzitsua denarentzat denbora gehiago"
    • *.-Ikastaroak BIC Gipuzkoan egingo dira, Mikeletegi pasealekua 100, 20009 DONOSTIA.
    • *.-5 orduko iraupena izango dute aurrez aurre (9:00–14:00) eta 2 orduko tutoretza (9:00–11:00), online bidezko zalantzak argitzeko.
    • *.-Prestakuntza doakoa izango da Gipuzkoa Kutxa Solidarioa sareko erakundeentzat.
    • *.-Erakunde bakoitzeko gehienez 2 pertsonaren izen-ematea onartuko da ikastaro bakoitzean.

Eginez ikasi: IA sortzailea eta irudien sorkuntza Geminirekin

Ikasi adimen artifizialarekin komunikatzen eta kalitatezko irudiak sortzen, prompt eraginkorrak erabiliz. Zuen Google kontua baliatuta.

Barnetegiaren programa

  • 1.- Oinarri orokorrak
    +.- Adimen artifizial sortzailearen oinarrizko kontzeptuak.
    +.- Geminiren sarrera: zer den, nola funtzionatzen duen eta zeintzuk diren gaur egun dituen gaitasunak.
    +.- IAren erabileraren testuingurua eta oinarrizko gogoeta etikoak.
      • 2.- Prompting teknikak
        +.- Zer den prompt bat eta zergatik den arrakastaren gakoa adimen artifizialean.
        +.- Instrukzio baten egitura egokia: argitasuna, testuingurua eta xehetasunak.
        +.- Ariketa praktikoak zuzenean: Geminirekin nola komunikatu behar dugun, behar duguna zehazki lortzeko.
          • 3.- Irudien sorkuntza
            +.- Ideiatik ikus-irudira: prompting teknikak aplikatzea irudiak sortzeko.
            +.- Plataforman bertan egindako praktika zuzena, ulermena bermatzeko eta kalitatezko emaitza bisualak lortzeko.

          + Zalantzak argitzeko tutoretza-saioa

          Prestakuntza amaitu eta bi astera, bi orduko iraupena izango duen onlineko talde‑tutoretza saio bat egingo da.


          Gune hau pentsatuta dago parte-hartzaileek beren erakundeetan ikastaroaren edukiak ezartzean eta erabiltzean sortutako zalantzak, zailtasunak eta esperientzia praktikoak partekatu ahal izateko, baita egunerokoan benetako aplikazioa errazteko laguntza eta orientazio zehatzak jasotzeko ere.

          Izen-emateak

          Maiatzaren 11n, 17:00etan, erakunde guztientzat irekiko da izen-ematea. Plazak izen-ematearen hurrenkera zorrotzaren arabera esleituko dira.

          2026ko maiatzaren 20ko ikastaroa
          2026ko ekainaren 4ko ikastaroa

          Barnetegiak %100ean diruz lagunduta daude SPRI Enpresa Digitalaren bidez.

          Asistentzia-ziurtagiria erakunde horrek bidaliko du, parte-hartzea behar bezala egiaztatu ondoren.

          IA egunerokorako: garrantzitsua denarentzat denbora gehiago

          Adimen artifiziala nola erabili produktibitatea handitzeko eta erakunde ekosozialetako lana errazteko.

          Ikastaro honek adimen artifizialaren erabilerari buruzko sarrera praktikoa eskaintzen du, erakunde ekosozialetako eguneroko lanean laguntza‑tresna gisa erabiltzeko.

          Benetako kasuen eta aplikatutako ariketen bidez, parte-hartzaileek IA erabiltzen ikasiko dute denbora aurrezteko, informazioa hobeto antolatzeko, edukiak arinago idazteko eta eginkizun errepikakorrak optimizatzeko, sektoreko erakundeak definitzen dituen ikuspegi sozial, etiko eta humanoa galdu gabe.


          Prestakuntza hau produktibitatea hobetzeko pentsatuta dago, lan‑karga handitu gabe, taldeek egiazki garrantzitsua denean arreta jarri ahal izan dezaten: pertsonak, proiektuak eta gizarte‑eragina.

          Ikastaroaren programa

          • 1.- IA aliatu gisa lan ekosozialean
            +.- Zer den (eta zer ez den) adimen artifizial sortzailea.
            +.- IAren erabilera praktikoak gizarte‑erakundeetan eta irabazi‑asmorik gabeko erakundeetan.
            +.- Aukerak, mugak eta ikuspegi etikoa IA erabiltzean.
              • 2.- Denbora aurreztea ohiko eginkizunetan
                +.- Posta elektronikoak, txostenak eta testu errepikakorrak idaztea.
                +.- Informazio luzea laburtzea eta modu antolatuan egituratzea.
                +.- Bileren prestaketa azkarra, laburpenak eta aktak.
                  • 3.- IA komunikazioan eta kudeaketan aplikatua
                    +.- Webguneetarako, buletinetarako eta sare sozialetarako edukiak sortzeko laguntza.
                    +.- Ideien antolaketa eta proiektuen egituraketa.
                    +.- Zirriborroen eta berrerabilgarriak diren lan‑materialen sorrera.
                  • 4.- Lan‑errutinan modu kontzientean integratzea
                    +.- IA nola txertatu mendekotasunik eta gainkargarik sortu gabe.
                    +.- Erabilera arduratsu, segurua eta eraginkorra bermatzeko jardunbide egokiak.
                    +.- IA produktibitatea handitzeko gakoak, zentzua eta balioak galdu gabe.

                  + Zalantzak argitzeko tutoretza‑saioa

                  Prestakuntza amaitu eta bi astera, bi orduko iraupena izango duen onlineko talde‑tutoretza saio bat egingo da.


                  Gune hau pentsatuta dago parte-hartzaileek beren erakundeetan ikastaroaren edukiak ezartzean eta erabiltzean sortutako zalantzak, zailtasunak eta esperientzia praktikoak partekatu ahal izateko, baita egunerokoan benetako aplikazioa errazteko laguntza eta orientazio zehatzak jasotzeko ere.

                  Izen-emateak

                  Maiatzaren 15ean, 17:00etan, erakunde guztientzat irekiko da izen-ematea. Plazak izen-ematearen hurrenkera zorrotzaren arabera esleituko.

                  2026ko ekainaren 17ko ikastaroa

                  Asistentzia-ziurtagiria erakunde horrek bidaliko du, parte-hartzea behar bezala egiaztatu ondoren.

                  Jarrai ezazue prestatzen!

                  2026ko prestakuntza‑bekak erakundeentzat

                  Gipuzkoa Kutxa Solidarioa sareko erakundeek Enpresa Digitalako eta Donostiko uda ikastoren matrikularen kostuaren %90era arte jaso ahal izango dute, betiere eskaera onartzen bada eta prestakuntzaren ordainketa zein aprobetxamendua behar bezala justifikatzen badira.


                  Erakunde bakoitzak gehienez 4 beka eskatu ahal izango ditu, aurrekontu erabilgarria amaitu arte emango direlarik.

                  Ikusi Enpresa Digitalako ikastaroen katalogoa
                  Ikusi Donostiako uda ikastaroen katalogoa
                  Prestakuntza‑bekaren eskaera egin
                  Aurreko urteetako trebakuntza materialeak
                  TOP