Baketik Fundazioa

Baketik gizarte zibilaren erakunde bat da eta eraldaketa soziala du xede, giza eskubideetan oinarriturik.

Erakunde independentea da, ez dago instituzio publiko edo pribatuei organikoki lotua, eta bere lanaren eta diru-laguntzen bidez finantzatzen da.

Zertan sinisten dugu?

Gizarte inklusioan, askotariko errealitateak dituzten pertsonen artean ezagutza eta aintzatespena bultzatzen duten elkartasun-prozesu komunitarioen bidez.

Egia, justizia eta erreparazioan, gizarte batek aurre egindako gatazka guztien ondoren.

Memoria eraikitzean, hausturen ondoren elkarbizitza sozialerako funtsezko elementu gisa.

Pertsonen eta taldeen parte-hartze aktibo eta eraldatzailean, emakumeak, eskubide-urraketen biktimak edo desberdintasun-egoeran dauden pertsonak barne.

Elkarrekin bizitzeko eta gizarte bidezkoagoa eraikitzeko gizarte zibilaren gaitasun sozialean.

Prozesuen bidelaguntzan, eraikuntza sozialerako modu gisa.