EKINTZA BIBE

Osasuna

Ludopatiaren errehabilitazio elkartea

Ekintza Bibe elkarteko kideak hauek dira: errehabilitatutako pertsonak eta haien senideak –kudeaketa-organoan parte hartzen dute–, errehabilitatzen ari diren pertsonak eta haien senideak, teknikariak eta boluntarioak.

Gure ikuspegia:

.-Gipuzkoan erreferentea izatea jokoaren nahasmendua edo bestelako mendekotasun psikologiko bat dutenen errehabilitazioan.
.-Gipuzkoan erreferente izatea prebentziorako eta mendekotasunarekin bateraezinak diren ohiturak sustatzeko programen garapenean, joko etikoari buruzko gogoeta sustatuz edo joko arduratsuari buruzko kanpainen barruan.
.-Gero eta zabalduago dagoen osasun-nahasmendu bat agerian jartzea, patologia hori dutenen inguruko gizarte-estigma hausteko; batez ere, emakumeak direnean jokoaren nahasmendua dutenak.
.-Zaurgarritasun-egoeran (soziala, psikologikoa, pertsonala, ekonomikoa edo lanekoa) daudenei gizarteratzen laguntzea.
.-Pertsona horiek eguneroko bizitzarako prestatzea, bizitzeko ohitura osasungarriak emanez eta haien osasun emozionala sustatuz.