Osasun mentala Oarsoaldean - Ikerketaren aurkezpena

ALDURA ETA ARRAZTALO ELKARTEEK OARSOALDEAN BIZI DIREN ETA GAIXOTASUN MENTAL LARRIAK DITUZTEN PERTSONEN GIZARTE BEHARREI ETA ARRETARI BURUZKO DIAGNOSTIKOA AURKEZTUKO DUTE

Bi elkarteek abenduaren 11an Pasai Donibanen ikerketaren ondorioak aurkeztuko dituzte, eskualdeko osasun mentalari buruzko jardunaldi batean.

Ikerketak gaixotasun mentalak dituzten pertsonen gizarte beharrak eta gaur egungo sistemak eskaintzen duen arreta aztertu du. Ikerketa honetan, Aldura eta Arraztalo Elkarteek sustatuta, SIIS Dokumentazio eta Ikerketa zentroak, kolektibo honi eskualdean ematen zaion arreta aztertu du. Zehazki, 44 elkarrizketa eta iturri ugariko datuak aztertu dira, pertsona hauen beharrak zein diren eta arreta sareak nola funtzionatzen duen jakiteko. Osakidetzako, eskualdeko udaletako, Lanbideko, Foru Aldundiko eta beste hainbat erakundetako partaideen iritziak bildu dira.

Aurkezpen jardunaldiak bi zati izango ditu eta 9:00etan hasiko da Donibaneko Juanba Berasategi aretoan. Lehenengo zatian, SIISeko partaideek ikerketaren ondorioak aurkeztuko dituzte. Ondoren, SalutMental Catalunya Federazioko bi pertsonak eta El Turó Elkarteko batek osasun mentaleko mahaien esperientzia azalduko dute. Batzorde hauek osasun mentaleko alorrean koordinazio tresna dira eta Katalunian aspalditik erabiltzen dira. Hauen funtzionamendua eta egiten den lana ezagutu ahal izango dira.

Arraztalo eta Alduraren ustez ikerketaren ondorioak gaixotasun mentala duten pertsonen arretan eta horientzako politika publikoen definizioan parte hartzen duten guztientzat interesgarriak izango dira.