DEBA
Martxoan zehar - Herrian zehar
Martxoak 8, Emakumeen Nazioarteko Eguna dela eta Deban antolatu diren ekitaldien egitaraua.
Con motivo del 8 de marzo, Día Internacional de las Mujeres, actividades organizadas en Deba.
Emakumeen Nazioarteko Eguna dela eta, egitarau oparoa osatu du Udalak eragile ezberdinekin elkarlanean.
Zoru pelbikoa izango da aurtengo martxoaren 8ko egitarauko gai nagusietako bat. Azken urteotan gehiago entzuten den kontzeptua bada ere, nahiko ezezaguna da oraindik gure artean. Askotan haurdunaldiarekin edo haurdunaldi ondorenarekin lotzen da, baina gizaki guztiok dugun ehun eta giharrez osatutako egitura da, eta oso garrantzitsua da ahalik eta egoerarik onenean mantentzea.
Bi hitzaldi-tailer eskainiko dira gai horretan sakontzeko, SURA osasun zentro integralek
...
DEBA
Martxoan zehar - Herrian zehar
Martxoak 8, Emakumeen Nazioarteko Eguna dela eta Deban antolatu diren ekitaldien egitaraua.
Con motivo del 8 de marzo, Día Internacional de las Mujeres, actividades organizadas en Deba.
Emakumeen Nazioarteko Eguna dela eta, egitarau oparoa osatu du Udalak eragile ezberdinekin elkarlanean.
Zoru pelbikoa izango da aurtengo martxoaren 8ko egitarauko gai nagusietako bat. Azken urteotan gehiago entzuten den kontzeptua bada ere, nahiko ezezaguna da oraindik gure artean. Askotan haurdunaldiarekin edo haurdunaldi ondorenarekin lotzen da, baina gizaki guztiok dugun ehun eta giharrez osatutako egitura da, eta oso garrantzitsua da ahalik eta egoerarik onenean mantentzea.
Bi hitzaldi-tailer eskainiko dira gai horretan sakontzeko, SURA osasun zentro integraleko fisioterapeuta eta osteopataren eskutik, lehenengoa martxoaren 1ean Ispiluen Gelan eta bigarrena martxoaren 16an Burugorri Gainean. Helburua, herritarrekin egunerokotasunean baliagarri zaien informazio praktikoa lantzea izango da, norbere zoru pelbikoa osasuntsu mantentzeko jarraibideak edo gomendioak partekatuz.
Menopausia izango da egitarau honen beste gai nagusia. XX. mendera bitarte gure amek, gure izebek, gure amamek, erabat ezkutuan eraman izan duten gaia da, eta oraindik ere kosta egiten da jendaurrean modu lasaian, naturaltasunez, menopausiaz hitz egitea. Martxoaren 10ean Ispiluen Gelan eta 24an Burugorri Gainean egingo diren saioetan informazio eta esperientzia ezberdinak partekatuko ditu Amaia Vazquez Eguzkitza psikologo eta sexologoak, eta zalantzak argitzeko aukera ere egongo da.
Honekin lotuta, Kilimaterioa ikuskizuna eskainiko da martxoaren 19an Ispiluen Gelan. Kaitin Allenderen bakarrizketa eta Oihane Perea, Irati Anda eta Iratxe Ibarraren bertsoak uztartuta, klimaterio aroa umorez jantziko dute.
Horrez gain, Leire Milikua Larramendiren Lur gainean, itzal azpian saiakera liburuaren aurkezpena egingo da Itziarren, Auzo Udaleko neguko egitarauaren baitan. Emakume nekazariak erdigunean jarriz, landa-eremuari buruzko testigantzak azalduko ditu egile abadiñarrak.
Herriko ipuin kontalariek ere parte hartuko dute martxoaren 8ko egitarauan, martxoaren 12an eskainiko dute euren emanaldia Ispiluen Gelan, eta egun berean Elbira dokumentala egongo da ikusgai Kultur Elkartean. Abenduaren 26an estreinatu zen Elbira Zipitria hezitzaile eta euskaltzaleari buruzko dokumentala, haren heriotzaren 40. urteurrenean. Bere bizitzako gertaeretan eta herriari egindako ekarpenean sakontzen duen fikziozko dokumentala da.
Ohiko legez, martxoaren 8an elkarretaratzea egingo da Foruen Plazan, arratsaldeko 7etan, eta, jarraian, Kalean Kantuz taldeko kideak bertatik abiatuko dira.
Adierazpen instituzionala ere onartu du Udalbatzak otsailaren 23an egindako ohiko osoko bilkuran.
