Maiatzak 20, 17:00tatik 21:30tara
Teresa de Calcuta Plazan
17:00etan Pazko arrautzak apaintzeko tailerra. (Frantzia).
18:15etan Txokolatezko arrautzak bilatzera!!! (Frantzia).
Pazko astean, Frantzian, haur eta helduek arrautzak apaintzen dituzte eta ondoren hauek ezkutatu eta aurkitzera jolastu ohi dira. Gurean ere, gerturatzen denak arrautzak apaintzeko aukera izango du eta, ondoren, txokolatezko arrautzak aurkitzean datzan jolasa egingo da. Tailerra jatorri frantziarreko zenbait herritarrek emango dute.
17:00etan Martisoare zintzilikarioak eginez, tailerra. (Errumania eta Bulgaria). Behin zintzilikarioak egin eta gero, zuhaitzetan zintzilikatzera joango gara.
Udaberri hasieran hari zuri-gorriz eginiko zintzilikarioak elkarri oparitu eta zuhaitzetan jartzen dituzte Errumania, Bulgaria et>...
Maiatzak 20, 17:00tatik 21:30tara
Teresa de Calcuta Plazan
17:00etan Pazko arrautzak apaintzeko tailerra. (Frantzia).
18:15etan Txokolatezko arrautzak bilatzera!!! (Frantzia).
Pazko astean, Frantzian, haur eta helduek arrautzak apaintzen dituzte eta ondoren hauek ezkutatu eta aurkitzera jolastu ohi dira. Gurean ere, gerturatzen denak arrautzak apaintzeko aukera izango du eta, ondoren, txokolatezko arrautzak aurkitzean datzan jolasa egingo da. Tailerra jatorri frantziarreko zenbait herritarrek emango dute.
17:00etan Martisoare zintzilikarioak eginez, tailerra. (Errumania eta Bulgaria). Behin zintzilikarioak egin eta gero, zuhaitzetan zintzilikatzera joango gara.
Udaberri hasieran hari zuri-gorriz eginiko zintzilikarioak elkarri oparitu eta zuhaitzetan jartzen dituzte Errumania, Bulgaria eta Moldaviako herrialdeetan, oparotasunari dei eginez. Gurean, zintzilikario hauek egin eta gero inguruko zuhaitzak beraiekin apainduko ditugu. Jatorri errumaniarreko eta bulgariarreko herritarrek gidatuko dute tailerra.
17:00etan Haur txikientzako chill out espazioa.
17:00etan Zure izena nire hizkuntzan tailerra. (India, Txina, Mongolia, Errusia eta Maroko).
Indian, Pakistanen, Txinan, Mongolian, Errusian eta Marokon jatorria duten donostiar herritarrek gerturatzen direnei izena beraien grafian idatziko diete harritxo batean.
17:00etan Loredun koroak egiten tailerra. (Ukraina).
Ukrainako Kupala gauean, buruan jartzeko loredun koroak egin eta gero errekara botatzen dituzte. Jatorri ukrainarreko pertsonek gidatuko dute tailerra eta hauen laguntzaz gauza bera egiteko aukera izango du gerturatzen denak. Bururako loredun koroa egin eta ondoren taldean erriorako bidea egingo da, bertara koroak jaurtiz. (Material guztiz organikoak erabiliko dira).
17:00etan Haima sahararra.
Arratsalde osoan zehar Haima saharar bat egongo da. Bertan tea dastatu, Henna tatuajeak egin,...
17:00etan Perkusio afrikarra ikasteko tailerra.
Ordu eta erdiz, Ganako donostiarrek perkusio tailerra emango dute eta, ondoren, ordu erdiz kontzertua eskainiko dute maisuak eta tailerreko parte hartzaileek.
17:20etan, 18:20etan, eta 20:20etan, Urte berri txinatarra ospatzeko desfilea egingo da.
Txinatarrek urte hasiera ospatzeko egiten duten desfilea egingo dute, musikarekin girotua, eta faroltxo txinatarrekin apaindua egongo den esparruan dragoi txinatar ere ibiliko da noizean behin.
17:00etan Ipuin kontaketa bereber euskalduna.
Bereber eta euskal kulturako ipuinak entzuteko aukera izango dugu.
18:00etan familientzako Herri kirolak.
Txingekin, lokotxak biltzen eta zaku lasterketetan parte hartzeko aukera egongo da.
17:45etan Tangotiklown.
Floripa klowna Argentinatik etorri da. Zer egingo ote du bertatik dakarrena eta hemen aurkitzen duenarekin?
18:30etan Dantza Afro-hondurarrak ikasteko tailerra.
Jatorria Hondurasen duen gazte batek dantza afro-hondurarrak erakutsiko dizkigu.
19:00etan Ukrainako abestiak, kantak,...
19:30etan Ukrainako ezkontza jantzi tradizionalen erakustaldia.
20:00etan Zezen suzkoa.
20:30etan Trebeska kulturartekoa.
Arratsalde osoan zehar musikaz girotua egongo da plaza eta jaki desberdinak dastatzeko aukera izango da.